<神兵4>第10期 (穹白的弱點)

xmen

<穹白的弱點>又繼續解謎，六月成環之日乃神聖能力最弱之時，所以當日會俾穹白偷襲成功。而亦因為穹白有部份力量係來自神聖，所以下一次既六月成環穹白將會失去神聖既力量，到時亦都係攻擊穹白既最佳時機﹗
另一個解說既地方係400年先去搵白象寶刀一事，據心藍所言，陰石只係岩岩成人形，故此要最近先去香港搵刀，解決左小弟早前一直懷疑要等400年先去人間既疑惑。^_^

今期要讚既係冇乜旁白，睇得好順暢，keep住係咁就very good喇﹗而除左「穹白的弱點」外，今期亦著重描寫兩位人物---紀辰天 & 驚雄既性格。首先講返阿天先，龍少冇因為佢功力躍進而改變其性格，依然咸濕抵死(夠膽死摸損日塊面豬登，好野﹗)，好有<天子3>初期劉邦既影子，而阿天下流得黎又不失其滑頭本色，識得用心藍阻擋損日脫險，唔錯。龍少要繼續保持阿天鬼馬本色呀﹗

而另一位人物驚雄今期開始呈現少少奸角特色(如對龍行以外角式既不屑)。而佢心藍有好感，阿天又帶左心藍去人間，好有可能演變成三角戀都未定唷﹗(^^)

<神兵4>既最大特色係異世界，70年代香港兩邊走，初時見倒好多網上言論都怕阿天有排返唔倒香港，會冇左呢個特色，睇完今期相信就唔駛驚喇﹗怕且阿天今次返得去香港，都會留一段時間既，於斂房降落，相信重遇葉青，沙曼洛條屍既機會都幾大呢﹗希望龍少咪急住召阿天返宇外流化，等香港同宇外可以雙線發展，相信會比只留o係一邊好睇得多呢﹗

今期要彈既地方亦都有，好似心藍等人既設定真係太過神奇4俠喇﹗搬紙過字咁，冇咩新意。但係就對阿天既鬼馬行為非常欣賞，唔知各位又有咩意見呢？

anson45hg

冇左打鬥氣...寡了點...

但係講農夫果度幾好,已經彌補了

靛．羽．風．蓮

今期終於看到穹白的廬山真面目，雖稱不上帥哥，倒也是個型男！

brightism

今期阿天終於似番主角, 佢既搞鬼好"香港"
如果遲D再多D內心戲就好喇..
損日都OK架~阿天約佢食飯睇戲果陣..佢好似心動
遲D可能幫番阿天果邊吧

屬性設定真係好「行貨」..普通到...
比較想知道宇外一日，人間過了幾耐
想快D見到葉青呢

xmen

原帖由 brightism 於 19-4-2008 08:14 發表
今期阿天終於似番主角, 佢既搞鬼好"香港"
如果遲D再多D內心戲就好喇..
損日都OK架~阿天約佢食飯睇戲果陣..佢好似心動
遲D可能幫番阿天果邊吧

屬性設定真係好「行貨」..普通到...
比較想知道宇外一日，人間過了 ...

^_^ 唔一定要打到七彩先好睇既。今期阿天既表現真係好得，咸濕，鬼馬，機靈集於一身，比起傳統熱血既正義男主角，阿天無疑有更大既發揮空間喇﹗
而驚雄今期都好重戲份，好似佢不服墨堯/久石既情節，對心藍特別關愛既眼神...呢位角式都大有發揮空間呢﹗石頭人同機精就攪下笑好喇﹗嘻~~

下期返去劇情香港，封面用舊香港做背景真係幾靚，既然而家有3日時間俾神聖軍準備，阿天又去左香港，雙線發展都真係唔錯呀﹗去其他網站睇過讀者對<神4>既意見，都係認為保留香港條線係<神4>一大特色，希望龍少好好把握住呢條特別既雙地域支線，好好發展落去啦﹗

brightism

其實個人黎講唔係好頂到阿天變左肌肉男...
一個香港既後生仔, D肌肉唔洗畫得太勁架..又唔係做GYM教練

話時話好想快D送把刀..希望唔好叫白象古刀咁難聽啦...
D FIGURE公仔好得, 出左一定買啦, 如果係送就最好喇
希望會有損日 FIGURE~唔好只係出坤劫同D大隻佬~
有葉青仲正!!!哈哈

另外, 如果會再寫穹白同"墨攻"打仗
希望可以多D「謀略」成份，描寫多D2軍對戰時既場面 攻守, 戰陣之類果D
唔好搞到穹白咁屈機, 個人SOLO平時都好夠

[ 本帖最後由 brightism 於 19-4-2008 11:16 編輯 ]

weivat

今期D畫面好密畫格，情節情理處理相當順，最大驚喜就是陽石和陰石無意中合作開啟人間渡，估計下期神圣復活了，劇情很緊湊，值得一贊！！

另外驚雄，心藍，頑石，無根這4人組的屬性分屬電、水、石、木，比較網遊的感覺，希望遲些有新人物填補剩下的屬性：火、金、風、冰、毒、輻射等等。。

順便提議下，我比較感興趣的是第四期中出現的會著火的魚，這些魚會不會與火海連天發生聯繫？或者如上面說的和火屬性的人物有聯繫？會不會成為某一部族能源的來源呢？畢竟我感覺穹白軍比墨堯軍乃至神圣軍要高科技啊，第一期已經有機器螃蟹。

我希望作者能夠將一些筆墨介紹下宇外流化的人是怎么生活。感覺來來去去都是那幾個神使，世界觀有點狹窄。

David少

其實講左咁耐,都未講穹白點解做反?佢點解一定要過去地球?
會唔會穹白其實係個多情種子,佢當年做反係因為葉菁比神聖判左死刑,佢為左報仇,推翻神聖作報復?

另外想講的是可能由於神兵4以較複雜的世界設定,每期都要花不少編幅交代,令每期的劇情推進有限,這樣易令人對故事期待多一些,不過成日都係的話就好易令人不滿。可能我成日睇日本漫畫d單行本,習慣一睇就有較長的故事發展吧

最後就係希望由於e家分開兩邊世界同時發展,希望龍少唔好顧此失彼,忽略了是但一邊的劇情發展。當然,天仔果邊係較引人注目,同時也不要忘記交代下對穹白發動攻勢前的準備工夫