|
|
老實講宜家龍少再推出兵器實物有幾多人真係會覺得雀躍？
同時想問下當年「兵器」炒爛市之後，邊個冇聞「兵」嗤鼻之感？
想回應龍介兄講
再睇神4有幾多讀者?
出左又有幾多讀者會買?
想當年「兵器」熱潮時期，當時亦不乏買「兵」棄書之徒，如果真係兵器夠靚、夠精緻的話，我相信就算唔係神 4 讀者亦會有購入o既可能
其實送「兵器」只要加埋個地台、支架，成件事又唔同好多，日本人推出武器蛋盒，其實同當年港漫推出「兵器」一樣，但人地就係多左多地台、支架，唔玩得都擺得、睇得
想當年各漫畫社就只有盲目出兵器，我地就盲目咁儲，一個紙盒、木盒包裝，買左返黎又做唔到 Display ，兵器會先擺起抽屜，過耐o的拎返出黎咪又扔落垃圾桶，根本冇收藏價值，難得龍少「神兵」再做，但係如果又係做返當年做o既野，「兵器」連紙盒包裝，咁好冇意思囉 |
|
樓主